APL. «Chelsi» - «Manchester Yunayted» o‘yini dramatik tarzda yakunlandi

Angliya Premer-Ligasida 9-turdan o‘rin olgan bir o‘yin yakunlandi.  

«Chelsi» o‘z maydonida «Manchester Yunayted»ni qabul qildi va 2:2 hisobidagi durangni qayd qildi.

Birinchi bo‘limda «Chelsi» biroz ustunlik qildi. 21-daqiqada Ryudiger o‘z goli bilan mezbonlarni hisobda oldinga olib chiqdi. Ikkinchi bo‘limda tashabbus mehmonlarga o‘tdi. Ular ikkita gol urib, irodali g‘alabani ilib ketishga yaqin edi. 55-daqiqada Marsial hisobni tenglashtirib, 73-daqiqada jamoasini oldinga olib chiqqan edi. Ammo so‘nggi soniyalarda Barkli gol urib, «Chelsi»ni mag‘lubiyatdan qutqarib qoldi. 

APL, 9-tur
Chelsi – Manchester Yunayted 2:2 
20 oktabr, «Stemford Brij» stadioni
Gollar: 1:0 – 21 Ryudiger, 1:1 – 55 Marsial, 1:2 – 73 Marsial, 2:2 - 90+6 Barkli. 
Chelsi – Arrisabalaga, Ryudiger, Alonso, Aspilikueta, David Luiz, Kovachich (Barkli, 69), Jorjino, Villian (Pedro, 73), Kante, Azar, Morata (Jiru, 79).
Manchester Yunayted – De Xea, Lindelef, Shou, Yang, Smolling, Pogba, Matich, Mata (Errera, 75), Marsial (Pereyra, 84), Lukaku, Reshford (Sanches, 85).
Ogohlantirishlar: Matich (13), Yang (27), Ryudiger (30), Azar (34), Mata (67).