Mourino «Real»ga qaytishi haqidagi mish-mishlarga izoh berdi

«Manchester Yunayted» bosh murabbiyi Joze Mourino ingliz klubidagi ishini davom ettirishini aytdi.

Avvalroq, «Real» bosh murabbiy Xulen Lopetegini iste'foga chiqarib, o‘rniga Mourinoni taklif qilishi haqida xabarlar tarqalgan edi. Joze 2010-2013 yillarda «Qirollik klubi»da ishlagan va Ispaniya chempionati, Kubogi va Superkubogida g‘alaba qozongan edi.

«Yo‘q, men «Real»ga qaytmayman. Kelajagim shu yerda, «Manchester Yunayted» bilan amaldagi shartnomaga egaman. Bu yerda baxtiyorman. Shartnomam oxirigacha klubda qolaman va uni uzaytirishni xohlayman», — deb Mourino so‘zlarini keltirmoqda The Guardian.