Janubiy Koreyadagi yong‘inda o‘zbekistonlik migrantlarning 4 yoshli o‘g‘li halok bo‘ldi

20 oktabr, shanba kuni Janubiy Koreyaning Kyonsan-Namdo viloyati, Kimxe shahridagi ko‘p qavatli uyda yong‘in sodir bo‘ldi.

Koreyaning news.naver.com nashri xabariga ko‘ra, yong‘in oqibatida O‘zbekistondan kelgan migrantlarning to‘rt nafar farzandi jabr ko‘rgan. Ulardan biri, 4 yoshli bola hodisa tufayli halok bo‘ldi. Boshqa uch nafar bola jiddiy jarohat olgan.

Soat 19:40da boshlangan yong‘in yigirma daqiqadan so‘ng o‘chirildi. Bolalar binoning ikkinchi qavatida aniqlandi.

Boshqa ommaviy axborot vositalari xabariga ko‘ra, halok bo‘lganlar orasida 14 yoshli qiz ham bor.