Qariyb 28 mln so‘mga aldab ketgan shaxslar ushlandi

Samarqand viloyatining Paxtachi tumanida jinoyat yuz berdi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar qilmoqda.

Shu yil 23 oktabr kuni IIBga tushgan hujjatlarga ko‘ra, joriy yilning 12 iyun kuni Navoiy viloyati Qiziltepa tumanida yashovchi G‘.S. va A.O‘. Paxtachi tumanida yashovchi D.T.ning uyida undan umumiy qiymati 27 mln. 700 ming so‘mlik 40 bosh qo‘ylarini sotib olib, pulini 10 kun muddat ichida olib kelib berishlarini aytib, shu kunga qadar bermasdan kelayotganliklari ko‘rsatilgan. 

Ko‘rilgan choralar natijasida G‘.S. va A.O‘. qo‘lga olingan.

Holat yuzasidan jinoyat ishi qo‘zg‘atilib, tergov harakatlari olib borilmoqda.