Samarqanddagi qurilishda ishchini tuproq bosib qoldi

Ma’lum qilinishicha, 8 aprel kuni soat taxminan 18:00 larda Samarqand viloyati FVB navbatchilik qismiga Oltin asr mahallasida joylashgan qurilish obektlarining birida fuqaro tuproq ostida qolib ketgani haqida xabar kelib tushgan.

Qisqa vaqt ichida voqea joyiga yetib borgan qutqaruvchilar maxsus asbob-anjomlar yordamida jabrlanuvchini tuproq ostidan chiqarib olib, unga birinchi tibbiy yordam ko‘rsatgan.

Jabrlanuvchi shifoxonaga olib borilgan bo‘lib, uning hayoti va sog‘lig‘iga xavf yo‘q. Shifokorlar ma’lumotiga ko‘ra, u yaqin kunlarda tibbiyot muassasasidan chiqarilishi kutilmoqda.