Putin Trampning yordamchisi oldida AQSh gerbi haqida hazillashdi

Rossiya prezidenti Vladimir Putin AQSh yetakchisining milliy xavfsizlik bo‘yicha yordamchisi Jon Bolton bilan uchrashuvda tomonlar «o‘zaro tutash nuqtalarni» izlashi kerakligi haqida ma'lum qildi. Shuningdek, u Qo‘shma Shtatlarning gerbidagi tinchliksevar ramz haqida eslatdi. Bu haqda RIA Novosti xabar bermoqda.

«Adashmasam, Qo‘shma Shtatlar gerbida suvburgut tasvirlangan. Bir tomondan, u 13ta o‘qni ushlab turibdi, boshqa tomondan esa - tinchliksevar siyosatning belgisi sifatida zaytun novdasini, 13ta zaytun bilan. Savol: sizlarning suvburgut zaytunni cho‘qib tashlab, faqat o‘qlarni qoldirdimi?» - dedi Putin.

Delegatsiya qatnashchilari Rossiya rahbarining so‘zlarini kulgi bilan qarshi olingan. Putinning ta'kidlashicha, Bolton bilan nafaqat Amerika prezidenti yordamchisi, balki qurolsizlanish va qurollar ustida nazorat qilish sohasidagi mutaxassis sifatida ham gaplashmoqchi.

Boltonning umid bildirishicha, Putinda yig‘ilib qolgan savollarga javob topadi, lekin «zaytun novdasini o‘zi bilan olib kelmagan». «Men shunday deb o‘ylagandim», - dedi Putin, shundan so‘ng muzokaralar ishtirokchilari yana kulib yuborishdi. «Yodingizda bo‘lsa, zaytun novdasi suvburgutning o‘ng panjasida joylashadi, shuning uchun u o‘ziga ustuvor narsalarni aynan shu tarzda ko‘rsatib beradi», - deya aniqlik kiritdi Bolton.

Shuningdek, Putinning eslatishicha, Amerika gerbida «Xilma-xillikda birdamlik» yozuvi mavjud. «Shuning uchun, turli yondashuvlarga qaramasdan, bu tutash nuqtalarni izlash kerak, deb o‘ylayman», - dedi Rossiya yetakchisi. Boltonning aytishicha, bu Qo‘shma Shtatlarning ham maqsadi.

Eslatib o‘tamiz, avvalroq Kreml Putinning yadro zarbasidan keyingi «jannat» haqidagi so‘zlariga izoh bergandi.