Tender bahonasida 57 500 dollarni o‘zlashtirgan shaxs qo‘lga olindi

Illyustrativ foto/AFP

Xorazm viloyatining Xonqa tumanida jinoyat yuz berdi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar qilmoqda.

Joriy yilning 25 oktabr kuni tuman IIBga tushgan hujjatlarga ko‘ra, Qirqyop qishlog‘ida yashovchi Sh.B. shu yil 8 iyul kunidan 13 iyul kunigacha bo‘lgan vaqt oralig‘ida Qo‘shko‘pir tumanida yashovchi Sh.Yu. rahbarligidagi korxonani o‘tkazilgan tenderda qatnashishi uchun yordam berishligini va buning uchun bankka pul to‘lash kerakligini aytib, aldov yo‘li bilan undan 57 500 AQSh dollarini olib, shu kungacha bergan va'dasini bajarmay pullarni o‘z ehtiyoji yo‘lida ishlatib yuborganligi ko‘rsatilgan.

Sh.B. qo‘lga olingan. Holat yuzasidan jinoyat ishi qo‘zg‘atilib, tergov harakatlari olib borilmoqda.

#Xorazm #Xonqa #Tender