Pokistonda avtobusning jarlikka qulashi oqibatida 17 kishi halok bo‘ldi 

Pokistonda avtobusning jarlikka qulashi oqibatida 17 kishi halok bo‘ldi. Bu haqda Pokiston politsiyasiga iqtibos keltirilgan holda 29 oktabr kechki payt ma'lum qilingan. 

Halokat mamlakatning shimolidagi Ko‘histon tumanida yuz bergan. Qutqaruvchilar 17 kishining jasadini chiqarib olishga muvaffaq bo‘lishgan, biroq qutqaruv ishlariga voqea joyining uzoqligi to‘sqinlik qilmoqda.

Dastlabki taxminga ko‘ra, haydovchi avtobusni katta tezlikda sirpanchiq yo‘lda ushlay olmay, jarlikka qulagan.