Saudiya Arabistoni koalitsiya samolyotlarini zapravka qilishda AQSh yordamidan voz kechdi

Saudiya Arabistoni podshohligi o‘zi yetakchiligidagi koalitsiya samolyotlarini havoda zapravka qilishda Amerika harbiylari yordamidan voz kechdi. Bu haqda Saudiya Matbuot agentligi xabar qildi. 

«Saudiya Arabistoni podshohligi va koalitsiyaga kiruvchi mamlakatlarning o‘z harbiy salohiyatini mustahkamlash bo‘yicha sa'y-harakatlari bilan havoda mustaqil zapravka qilish imkoni paydo bo‘ldi», - deyiladi xabarda. - «Shu sababdan hamda AQSh bilan maslahatlashuvlardan so‘ng, koalitsiya Amerika tomonini Yamanda harbiy samolyotlarni zapravka qilishda o‘z maxsus samolyotlarini taqdim etmaslikni so‘raydi». 

O‘z navbatida, Reuters ma'lumotlariga ko‘ra, AQSh rasmiylari bu iltimosni qanoatlantirgan.