Maradona: «Messi haqida yomon gapirmaganman»

Argentina futboli afsonasi Diyego Maradona vatandoshi va «Barselona» hujumchisi Lionel Messi haqidagi fikrlari bilan o‘rtoqlashdi.

«Leo – mening do‘stim, ular haqida omma oldida ochiq gapirmayman. Agar e'tirozim bo‘lsa uning yuziga aytar edim, intervyuda emas. U – iqtidor, ammo o‘yindan oldin 20 marta vannaga kirib chiqadigan futbolchilar ham bor. Biroq, albatta ular haqida gapirmaganman.  

Messi bilan munosabatlarimiz yaxshi, ammo u bilan juda ko‘p vaqtdan beri uchrashmadim», - dedi Maradona.

Avvalroq, Maradona Messi haqida fikr bildirib, «O‘yindan oldin 20 marta vannaga kiradigan odamdan yetakchi bo‘lishni talab qilish befoyda», degan edi.