Foto: Mudofaa vazirligi matbuot xizmati
Dunyoning eng qudratli armiyalari reytingida O‘zbekiston 136 mamlakat orasidan 39-o‘rinni egalladi. O‘zbekiston Belarus (41), Qozog‘iston (50), Ozarboyjon (53), Turkmaniston (80), Gruziya (82), Armaniston (84), Qirg‘iziston (91), Litva (95), Tojikiston (96), Latviya (105) va Estoniya (108) kabi mamlakatlarni ortda qoldirdi.
Global Fire Power Reytingning ilk uch pog‘onasi AQSh, Rossiya va Xitoy tomonidan band qilingan. Shuningdek Hindiston, Fransiya, Buyuk Britaniya, Janubiy Koreya, Yaponiya, Turkiya va Germaniya ham o‘ntalikdan o‘rin olgan.
Eng oxirgi o‘rinlarda Surinam, Liberiya va Butan armiyalari qayd etilgan.
