Rossiya Shimoliy dengiz yo‘lidan xorijiy harbiy kemalar o‘tishini cheklaydi

Rossiya mudofaasini boshqarish Milliy markazi boshlig‘i Mixail Mizintsev xabariga ko‘ra, 2019 yildan boshlab xorijiy harbiy kemalar Shimoliy dengiz yo‘lidan faqat Rossiya hukumati xabardor qilinganidan keyin yurishi mumkin bo‘ladi. Bu haqda RIA Novosti xabar qilmoqda.

Uning ta'kidlashicha, bunday chora Rossiya qonunchiligining tegishli qismidagi kamchiliklarni bartaraf etish bilan bog‘liq.

«Shimoliy dengiz yo‘lidan foydalanish qismidagi huquqiy bo‘shliqni bartaraf etish uchun Rossiya qonunchiligini takomillashtirish bo‘yicha idoralararo ish tashkil etildi, uning natijasida xorijiy harbiy kemalar harakatidan xabardor etish xususiyati paydo bo‘ladi», - dedi Mizintsev.

Uning so‘zlariga ko‘ra, tegishli ishlar 2019 yilgi navigatsiya mavsumi boshlanishi bilan yakunlanadi.

Eslatib o‘tamiz, avvalroq Poroshenko Putin haqida ochiq gapirgandi.