Kreml Putin AQSh bilan muloqotni davom ettirishga tayyorligini bildirdi

Rossiya prezidenti matbuot kotibi Dmitriy Peskovning ma'lum qilishicha, mamlakat rahbari Vladimir Putin AQSh bilan muloqotni davom ettirishga tayyor. Bu haqda «RIA Novosti» agentligi xabar bermoqda.

Uning so‘zlariga ko‘ra, Putin «hech narsaga qaramay», Vashington bilan muloqot qilishga tayyor turibdi.

Shuningdek, uning qo‘shimcha qilishicha, Moskva AQSh prezidenti Donald Trampning Rossiya bilan aloqalar bo‘yicha qarorini o‘zgartirish uchun sharoit paydo bo‘lishini kutmoqda.

Eslatib o‘tamiz, avvalroq Tramp Putin bilan qachon uchrashishini aytgandi.

Qo‘shma Shtatlar yetakchisi Donald Trampning ma'lum qilishicha, Rossiya prezidenti Vladimir Putin bilan «tegishli paytda» uchrashuv o‘tkazadi.