So‘rovnoma Poroshenkoga 80 foiz ukrainaliklar ishonmasligini ko‘rsatdi 

Ukraina prezidenti Pyotr Poroshenkoga Ukrainaning 80 foizdan ko‘proq fuqarosi ishonch bildirmasligi aniqlandi. Bundan Sotsiologiya bo‘yicha Kiyev xalqaro instituti o‘tkazgan so‘rovnoma natijalari darak bermoqda, deb xabar berdi “Interfaks-Ukraina” nashri.

Sotsiologlarning aniqlashicha, Poroshenkogo respondentlarning 55,5 foizi butkul ishonmaydi, 26,1 foizi esa ishonqiramaydi, 10,3 foizi ishonadi, 2 foizigina to‘liq ishonadi.

Ukraina bosh vaziri Vladimir Groysmanga ham ishonchsizlik darajasi yuqori bo‘lgan. So‘ralganlardan 52,2 foizi unga butkul ishonmasligini, 30,1 foizi ishonqiramasligini, 10,7 foizi ishonishi va 1,7 foizigina to‘liq ishonishini ma'lum qilgan.

Oliy radaga esa ishonchsizlik darajasi yanada pastroq bo‘lgan. 59,8 foiz respondent parlamentga butkul ishonmasligini, 30,4 foizi ishonqiramasligini, 5,3 foizi ishonishi va 0,6 foizigina to‘liq ishonishini aytgan. 

Ukrainaliklar orasida eng katta ishonchga ko‘ngillilar (65,5 foiz), cherkov (56,9 foiz) va qurolli kuchlar (53,1 foiz) egaligi aniqlangan.

So‘rovnoma 23 noyabrdan 3 dekabrgacha o‘tkazilgan. Unda 18 yoshdan katta 2 ming kishi ishtirok etgan.