Turkiya Suriyada yangi harbiy amaliyotni boshlamoqda

Turkiya Suriyada Frot daryosidan sharq tomonda yangi harbiy amaliyotni boshlashni rejalashtirmoqda Bu haqda Turkiya prezidenti Rajab Toyyib Erdo‘g‘an mudofaa sanoati sammitida aytib o‘tdi. 

“Turkiya yaqin kunlar ichida Frotdan sharqda amaliyot boshlaydi”, deb aytgan Erdo‘g‘an.

Turkiya prezidentining ta'kidlashicha, amaliyot davomida bu hududda joylashgan “amerikalik harbiylar nishonga olinmaydi”. Erdo‘g‘aning ta'kidlashicha, Anqaraning bu qadami Suriyadagi vaziyatni siyosiy yo‘l bilan tartibga solishda ko‘mak beradi va bu hududni mahalliy aholi uchun xavfsizroq va yashashga yaroqli qiladi.  

Turkiya 2017 yilda Suriya hududida ikkita harbiy amaliyot – “Frot qalqoni” va “Zaytun novdasi”ni olib borgan. Erdo‘g‘an yaqinda Argentinada o‘tgan G20 sammitida Anqara yaqin orada Frotning sharqini terrorchilik tuzilmalaridan tozalashini ma'lum qilgan.  

Erdo‘g‘an oxirgi oylar davomida Frotdan sharqda mujassamlashgan, “Xalq mudofaasi kuchlari” kurd tuzilmalariga qarshi amaliyot o‘tkazish niyatidaligini bir necha marta aytib o‘tgan.