FOT bosh kotibi arab davlatlarini Avstraliya bilan aloqalarni uzishga chaqirdi

Falastin ozodlik tashkiloti ijroiya qo‘mitasi bosh kotibi Saib Arikat arab davlatlarini G‘arbiy Quddusni Isroil poytaxti deb tan olgan Avstraliya bilan aloqalarni uzishga chaqirdi. Bu haqda Dunya Al Watan portali xabar berdi.

Arikat arab davlatlaridan "arab yetakchilari uchrashuvida qabul qilingan arab davlatlariga Quddusni yahudiylar davlati deb tan olgan har qanday mamlakat bilan aloqalarni uzish majburiyatini yuklovchi" qarorni bajarishni talab qildi.  

Avvalroq Avstraliya bosh vaziri Skott Morrison mamlakat hukumati G‘arbiy Quddusni Isroil poytaxti deb tan olishini bildirgandi.

Hozirda Quddusda AQSh va Gvatemala elchixonalari joylashgan. Elchixonasini Tel-Avivdan Quddusga ko‘chirgan uchinchi davlat Paragvay bo‘ldi, ammo keyinroq uni yana Tel-Avivga qaytarishga qaror qildi.