AQSh hukumati ishni qisman to‘xtatdi. Tramp bunga izoh berdi

AQShda federal hukumat 22 dekabr, shanba kuni ishini qisman to‘xtatib qo‘yadi. Bu haqda The Washington Post yozmoqda.

Xabar qilinishicha, Amerika senati va vakillar palatasi xodimlari byudjyet muhokamasini tugatib, qaror qabul qilmasdan Kapitoliyni tark etishgan.

Aniqlik kiritilishicha, mamlakatning eng muhim vazirliklarini moliyalashtirish Toshkent vaqti bilan soat 10:00da to‘xtatiladi.

Qo‘shma Shtatlar prezidenti Donald Tramp mamlakat hukumati ishi to‘xtatilishiga munosabat bildirdi. Bu siyosatchi haqida tvitterdagi o‘z sahifasida yozgan.

Uning so‘zlariga ko‘ra, hukumat faoliyati to‘xtatilishi bilan hech narsa qilishning imkoni yo‘q. Uning umid bildirishicha, bu holat uzoq davom etmaydi.

«Bizning buyuk mamlakatimiz xavfsiz chegaraga ega bo‘lishi kerak», - deya ma'lum qildi Tramp.

Eslatib o‘tamiz, avvalroq AQSh Kongressi «Tramp devori»ga olti milliard dollar sarflashga qaror qilgani xabar berilgandi.