Illyustrativ foto
Shu yilning 3 dekabr kuni Samarqand shahrida yashovchi G.B. (ayol) IIBga murojaat qilgan, deb xabar bermoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.
U shu yil 30 noyabr kuni noma'lum shaxs uyiga kalit tanlash yo‘li bilan kirib, u yerdan pullari va umumiy qiymati 21 mln so‘mlik 7 turdagi zargarlik buyumlarini o‘g‘irlab ketganligini ma'lum qilgan.
Mazkur holat yuzasidan jinoyat ishi qo‘zg‘atilgan. Ko‘rilgan choralar natijasida ushbu jinoyatni Samarqand shahar Farobiy ko‘chasida yashovchi A.B. sodir etganligi aniqlanib, ushlandi.
Tergov davom etmoqda.
