Ukraina Donbassdagi «ko‘k zona» qo‘lga kiritilganini ma'lum qildi

Ukraina prezidenti Pyotr Poroshenkoning maslahatchisi Yuriy Biryukov ma'lum qilishicha, mamlakat Qurolli kuchlari (UQK) Donbassdagi «ko‘k zonani» deyarli butunlay egallab oldi. Bu haqda u «Pryamoy» telekanali efirida aytib o‘tdi.

Prezident maslahatchisining aytishicha, 2014 yil may oyida harbiy amaliyot boshlanganidan beri, Ukraina Qurolli kuchlari Donbass hududining uchdan ikki qismini «ozod qilishga» erishdi.

«Deyarli barcha «ko‘k zona» ozod qilindi va nazoratga olindi», - deya xulosa qilgan Biryukov.

Eslatib o‘tamiz, avvalroq Ukraina bosh prokurori Kerchdagi hodisa Rossiya bosqinining uchinchi to‘lqini ekani haqida ma'lum qilgandi.