Bolalikdan nogironligi bo‘lgan farzandlarning onalari yanada qo‘llab-quvvatlanadi 

Bolalikdan nogironligi bo‘lgan farzandlarning onalari yanada qo‘llab-quvvatlanadi. Bu haqda 2017–2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasini “Faol investitsiyalar va ijtimoiy rivojlanish yili”da amalga oshirishga oid Davlat dasturi loyihasida aytilgan.

Hujjat bilan tegishli normativ-huquqiy hujjat loyihasi ishlab chiqiladi.

Loyihada bolalikdan nogironligi bo‘lgan farzandlarning onalariga ular pensiya tayinlash uchun zarur ish stajiga ega bo‘lmagan taqdirda, ijtimoiy nafaqa tayinlash nazarda tutiladi.

Bajarish muddati - 2019 yil 20 fevral, ijro uchun mas'ullar - Moliya vazirligi, Sog‘liqni saqlash vazirligi, Mehnat vazirligi.

Eslatib o‘tamiz, prezident parlamentga murojaatnomasida nogironligi bo‘lgan farzandni parvarish qilayotgan onalar uchun alohida nafaqa turi joriy etilishi haqida aytgandi.