Qoraqalpog‘iston Respublikasi Ichki ishlar vazirligi matbuot xizmati Nukus shahri temir yo‘l vokzali yonida bo‘lgan baxtsiz hodisa haqida ma'lumot berdi, deb yozmoqda Makan nashri.
Ma'lumotda aytilishicha, 2019 yil 5 yanvar kuni soat 13:45la Nukus shahri hududidan o‘tuvchi «Xo‘jayli-Nukus» temir yo‘li peregonining 2-piketi 699-kilometrida 334-sonli «Saratov-Urganch-Toshkent» yo‘lovchi tashuvchi poyezdini tortib kelayotgan UZTE16M2-033-son teplovozi o‘smirni urib ketgan.
Qayd etilishicha, Nukus shahrida yashovchi, 2002 yilda tug‘ilgan R.D. temir yo‘l relsi o‘rtasidan quloqchin taqqan holda o‘tayotgan bo‘lgan. Natijada u voqea joyida vafot etgan.
Ushbu holat bo‘yicha hozirgi vaqtda tergov oldi surishtiruv ishlari olib borilmoqda, deyiladi xabarda.
