FT: AQSh Xitoy bilan tayyorgarlik muzokaralaridan bosh tortdi

AQSh hukumati Xitoy tomonining maslahatlashuvlar yangi bosqichi arafasida tayyorgarlik muzokaralarini o‘tkazish bo‘yicha taklifini rad etdi. Bu haqda Financial Times manbalarga tayangan holda xabar bermoqda.

Nashr ma'lumotlariga ko‘ra, Vashington texnologiyalarning «majburiy» berilishi masalasida yetarlicha olg‘a siljishga erishilmagani sababli tayyorlov muzokaralarini bekor qilgan.

Ta'kidlanishicha, AQSh vakillari Xitoy iqtisodiyotidagi «tarkibiy» islohotlar masalasi muhokama qilinishidan ham norozi bo‘lganlar.

Biroq, tomonlar 30-31 yanvar kunlariga rejalashtirilgan savdo maslahatlashuvlarining yangi bosqichiga tayyorgarlik ko‘rishni davom ettirmoqda.

Eslatib o‘tamiz, avvalroq Reuters AQSh va Xitoy o‘rtasida tayyorlanayotgan savdo kelishuvi tafsilotlaridan xabar topgandi.