Фото: Getty Images
АҚШ ҳукумати Хитой томонининг маслаҳатлашувлар янги босқичи арафасида тайёргарлик музокараларини ўтказиш бўйича таклифини рад этди. Бу ҳақда Financial Times манбаларга таянган ҳолда хабар бермоқда.
Нашр маълумотларига кўра, Вашингтон технологияларнинг «мажбурий» берилиши масаласида етарлича олға силжишга эришилмагани сабабли тайёрлов музокараларини бекор қилган.
Таъкидланишича, АҚШ вакиллари Хитой иқтисодиётидаги «таркибий» ислоҳотлар масаласи муҳокама қилинишидан ҳам норози бўлганлар.
Бироқ, томонлар 30-31 январь кунларига режалаштирилган савдо маслаҳатлашувларининг янги босқичига тайёргарлик кўришни давом эттирмоқда.
Эслатиб ўтамиз, аввалроқ Reuters АҚШ ва Хитой ўртасида тайёрланаётган савдо келишуви тафсилотларидан хабар топганди.
