Venesuelalik harbiylar AQShga qarshi marsh o‘tkazishdi

Venesuelalik harbiylar AQSh tomonidan o‘tkazilayotgan bosim ortida o‘z matonatlarini namoyish qilish uchun marsh o‘tkazishdi. Bu haqda mamlakat mudofaa vazirligi Twitter`da ma'lum qildi.  

“Bugun, 28 yanvarda, shavkatli qurolli kuchlarimiz erkak va ayollari Amerika imperializmi tomonidan to‘xtamayotgan hujumlar oldida yuqori ma'naviy ruhni namoyish qilishdi”, deb aytilgan xabarda.

Xabarda ta'kidlanishicha, harbiylarning burchi Venesuelani himoya qilishdir.

Xabarga yuzdan ko‘proq harbiylar kolonna bo‘lib ko‘chadan yurayotganlari videosi ilova qilingan. Ularga mudofaa vaziri Vladimir Padrino Lopes boshchilik qilgan.