Sankt-Peterburgda o‘ttizdan ortiq maktab va ma'muriy binolar evakuatsiya qilinmoqda
Sankt-Peterburg shahrida binolardan biriga bomba o‘rnatilgani haqida kelayotgan anonim xabarlardan so‘ng, o‘ttizga yaqin maktab va turli ma'muriy binolardagi kishilar evakuatsiya qilinmoqda.
Ayni vaqtda anonim xabarlar maktablar elektron manziliga kelishda davom etmoqda, ma'lumotlar to‘la o‘rganilmoqda. Ommaviy evakuatsiyaga sabab bo‘lgan bir xil matnli tahdid xabarlari Bolgariyadagi mail.bg bepul pochta xizmati orqali kelyapti.
Unda shunday deyiladi: «Xayrli kun! Siz bilan gapni qisqa qilamiz. Sizning obektingiz hududida portlatish vositasi o‘rnatilgan! Evakuatsiyasiz qurbonlar bo‘lishi mumkin. Biz sizni ogohlantirdik. Xato qilmang, begunoh insonlarning qoni to‘kilishi mumkin. Bugun Piterda fojia yuz beradi... Biz aminmizki, hamma bombalarni zararsizlantirishga ulgurmaysiz».
Tahdid xabarlari maktablardan tashqari boshqa manzillarga ham jo‘natila boshlangan. Sankt-Peterburgdagi bir necha savdo markazlari va shifoxonalar ham evakuatsiya qilinmoqda.
Mavzuga oid
12:10 / 17.09.2024
Kursk yaqinida chegaraga yaqin ikki rayon aholisi evakuatsiya qilinmoqda
14:23 / 28.08.2024
Voronej viloyatida ikkita aholi punkti evakuatsiya qilindi
12:00 / 19.08.2024
Kursk chegara hududlaridan bir kunda 1,7 mingdan ortiq kishi evakuatsiya qilindi
22:54 / 17.08.2024