Qashqadaryo viloyati xalq ta'limi boshqarmasi boshlig‘i tayinlandi

Qashqadaryo viloyatida xalq ta'limi boshqarmasiga rahbar tayinlandi. Bu haqda Kun.uz’ga Qashqadaryo viloyati hokimligi matbuot xizmati xabar berdi.

Qayd etilishicha, 14 fevral kuni o‘tkazilgan yig‘ilishda siyosiy fanlar nomzodi Behzod Xonimqulovich Jo‘rayev Qashqadaryo viloyati xalq ta'limi boshqarmasi boshlig‘i sifatida tanishtirilgan.

O‘zbekiston Respublikasi xalq ta'limi vaziri 2019 yil 12 fevralda ushbu lavozim tayinlovi to‘g‘risidagi tegishli buyruqni imzoladi.

Ma'lumot uchun: Behzod Jo‘rayev shu paytgacha O‘zbekiston Respublikasi Vazirlar Mahkamasi huzuridagi Davlat test markazi viloyat bo‘limi boshlig‘i vazifasida faoliyat ko‘rsatgan.