Қашқадарё вилояти халқ таълими бошқармаси бошлиғи тайинланди

Қашқадарё вилоятида халқ таълими бошқармасига раҳбар тайинланди. Бу ҳақда Kun.uz’га Қашқадарё вилояти ҳокимлиги матбуот хизмати хабар берди.

Фото: Қашқадарё вилояти ҳокимлиги матбуот хизмати

Қайд этилишича, 14 февраль куни ўтказилган йиғилишда сиёсий фанлар номзоди Беҳзод Хонимқулович Жўраев Қашқадарё вилояти халқ таълими бошқармаси бошлиғи сифатида таништирилган.

Ўзбекистон Республикаси халқ таълими вазири 2019 йил 12 февралда ушбу лавозим тайинлови тўғрисидаги тегишли буйруқни имзолади.

Маълумот учун: Беҳзод Жўраев шу пайтгача Ўзбекистон Республикаси Вазирлар Маҳкамаси ҳузуридаги Давлат тест маркази вилоят бўлими бошлиғи вазифасида фаолият кўрсатган.