Bolton Guaydo bo‘yicha qattiq javob bilan tahdid qildi
AQSh prezidentining milliy xavfsizlik masalalari bo‘yicha maslahatchisi Jon Bolton muxolifatchi Xuan Guaydo Venesuelaga qaytishiga to‘sqinlik qilishga oid har qanday harakatlarga qattiq javob berilishi bilan ogohlantirdi. Bu haqda u tvitterdagi o‘z sahifasida yozgan.
Boltonning qayd etishicha, Guaydo Venesuelaga qaytish niyati borligi to‘g‘risida ma'lum qildi.
«Uning xavfsiz qaytishiga qarshi qaratilgan har qanday tahdidlar yoki harakatlar Qo‘shma Shtatlar va xalqaro hamjamiyat tomonidan qat'iy hamda jiddiy javob bilan kutib olinadi», - deya yozgan Bolton.
Eslatib o‘tamiz, avvalroq AQSh va Venesuela BMTda Guaydo bo‘yicha bahslashib ketgandi.
Xususan, AQShning Venesuela bo‘yicha maxsus vakili Elliot Abrams, agar muxolifat yetakchisi Xuan Guaydo Kolumbiyadan qaytgach ta'qib etilsa, Venesuela hukumatiga «global javob» bilan tahdid qildi.
Mavzuga oid
23:16 / 19.09.2024
Yevroparlament Maduroni hibsga olish uchun order berilishini talab qildi
19:59 / 15.09.2024
Venesuela AQShni mamlakatda davlat to‘ntarishiga tayyorgarlik ko‘rayotganlikda aybladi
14:00 / 09.09.2024
YeI Venesuelada muxolifatni ta’qib qilishni to‘xtatishga chaqirdi
18:15 / 08.09.2024