Lezviye bilan futbolchilarga jarohat yetkazgan o‘yinchi futboldan chetlashtirildi 

Turkiyaning “Amadspor” klubi futbolchisi Mansur Chalar “Sakaryaspor” o‘yinchilariga jarohat yetkazgani uchun umrbod futboldan chetlashtirildi. 

Sportchi Turkiya futbol federatsiyasi shiori ostida o‘tuvchi musobaqalardan chetlatilgan. Shuningdek, u 25 ming turk lirasi (4,6 ming dollar) jarima to‘laydi. Uning klubiga jarima sifatida bir o‘yinni tomoshabinlarsiz o‘tkazish belgilangan.  

Chalar Turkiya chempionatining uchinchi divizioni uchrashuvida maydonga lezviye bilan tushgan. Uchrashuv vaqtida u lezviyeni barmoqlari orasiga yashirgan holda raqib jamoa futbolchilariga sezdirmasdan jarohat yetkazgan. Uchrashuvdan keyin “Sakaryaspor” politsiyaga murojaat qilgan. Chalarning o‘zi esa maydonga lezviye bilan chiqqanini rad etgan.