Kobulda Navro‘z tantanalari vaqtida portlash sodir bo‘ldi. Qurbonlar bor
Afg‘oniston poytaxti Kobulda Navro‘z tantanalari vaqtida portlash sodir bo‘ldi. Bu haqda PressTv xabar bermoqda. Manbada aytilishicha, 6 kishi halok bo‘lgan va 23 kishi jarohatlangan. Qurbonlar soni Afg‘oniston ichki ishlar vazirligi va sog‘liqni saqlash vazirligi tomonidan tasdiqlandi.
Kobul politsiyasi uchta portlovchi vosita masofadan turib harakatga keltirilganini ma'lum qildi. Yana bir bomba zararsizlantirilgan. Portlash Kobul universiteti yaqinida sodir etilgan. Politsiya bombalar boshqa yerlarda ham bo‘lishi mumkinligini istisno qilmayapti.
Afg‘oniston prezidenti Ashraf G‘ani bu voqeaga o‘zining tvitterdagi sahifasida munosabat bildirdi: «Biz bir-birimizga yaqinlashtiradigan bayramni nishonlayotgan vaqtda chegara bilmaydigan qo‘rqoq dushman boshimizga yana bir qora kunni soldi. Biz tinch aholimiz vakillarini yo‘qotdik».
Oldinroq Ashraf G‘ani o‘z sahifasida Mozori Sharifdagilarni bayram bilan tabriklash uchun u yerga borganini yozgandi.
Mavzuga oid
17:58 / 11.09.2024
AQSh tarixidagi eng yirik terakt - 11 sentabr voqealarini aks ettirgan suratlar
09:15 / 10.09.2024
Belgiya: chechenistonlik shaxs teraktga tayyorgarlik ko‘rgani uchun 15 yilga qamaldi
19:40 / 01.09.2024
Beslan, 2004 yil 1 sentabr. 20 yil muqaddam Rossiya tarixidagi eng qo‘rqinchli terakt ro‘y bergandi
09:20 / 05.08.2024