Nazarboyev Nur-Sultonda bo‘lib o‘tadigan YeOII sammiti mehmoni bo‘ladi 

29 may kuni Qozog‘iston poytaxtida bo‘lib o‘tayotgan YeOII yubiley sammitida Qozog‘iston birinchi prezidenti Nursulton Nazarboyev faxriy mehmon sifatida ishtirok etadi. Bu haqda mamlakatning amaldagi prezidenti Qosim-Jomart Toqayev Twitter’da xabar bergan.

«25 yil muqaddam Moskva davlat universitetida Qozog‘iston birinchi prezidenti Yevrosiyo integratsiyasi haqida o‘z fikrini bayon qilib, ushbu konsepsiyaning muallifi bo‘lgandi. U amalga oshirildi. 29 may kuni Nur-Sultonda YeOII yubiley sammiti bo‘lib o‘tadi. Unda N.Nazarboyev faxriy mehmon sifatida qatnashadi», - deya yozgan Toqayev.

Yevrosiyo iqtisodiy ittifoqi - 2014 yilning 29 may kuni tashkil etilgan ittifoq. Ushbu ittifoqqa Rossiya, Belarus, Qozog‘iston, Qirg‘iziston va Armaniston davlatlari kiradi. Yevrosiyo iqtisodiy ittifoqi a'zo davlatlarning bir-biri bilan xalqaro va o‘zaro birlikni kuchaytirishni o‘z ichiga oladi.

Bundan oldin, Oqo‘rda Qozog‘iston prezidenti oilasidan ajrashgani haqida xabar bergandi.