Назарбоев Нур-Султонда бўлиб ўтадиган ЕОИИ саммити меҳмони бўлади 

29 май куни Қозоғистон пойтахтида бўлиб ўтаётган ЕОИИ юбилей саммитида Қозоғистон биринчи президенти Нурсултон Назарбоев фахрий меҳмон сифатида иштирок этади. Бу ҳақда мамлакатнинг амалдаги президенти Қосим-Жомарт Тоқаев Twitter’да хабар берган.

«25 йил муқаддам Москва давлат университетида Қозоғистон биринчи президенти Евросиё интеграцияси ҳақида ўз фикрини баён қилиб, ушбу концепциянинг муаллифи бўлганди. У амалга оширилди. 29 май куни Нур-Султонда ЕОИИ юбилей саммити бўлиб ўтади. Унда Н.Назарбоев фахрий меҳмон сифатида қатнашади», - дея ёзган Тоқаев.

Евросиё иқтисодий иттифоқи - 2014 йилнинг 29 май куни ташкил этилган иттифоқ. Ушбу иттифоққа Россия, Беларусь, Қозоғистон, Қирғизистон ва Арманистон давлатлари киради. Евросиё иқтисодий иттифоқи аъзо давлатларнинг бир-бири билан халқаро ва ўзаро бирликни кучайтиришни ўз ичига олади.

Бундан олдин, Оқўрда Қозоғистон президенти оиласидан ажрашгани ҳақида хабар берганди.