«Lasetti» salonidan 15 mln so‘m o‘g‘irlagan shaxs qo‘lga olindi

2019 yil 7 aprel kuni noma'lum shaxs Toshkent shahrining Mirzo Ulug‘bek tumani Buyuk ipak yo‘li ko‘chasida joylashgan “Makro” supermarketining avtoturargohida qarovsiz qoldirilgan, fuqaro D.S.ga tegishli “Lasetti” rusumli avtomashinasi eshigini ochgan.

O‘zbekiston Respublikasi IIV Jamoatchilik va OAV bilan aloqalar boshqarmasi xabariga ko‘ra, u salondan 15 million so‘m va 420 AQSh dollarini o‘g‘irlab ketgan. 

Holat yuzasidan jinoyat ishi qo‘zg‘atilgan. Ko‘rilgan choralar natijasida ushbu jinoyatni Uchtepa tumani Taqachi ko‘chasida yashovchi O.K. sodir etganligi aniqlanib, ushlangan. 

Tergov harakatlari davom etmoqda, deyiladi xabarda.