Nigeriyadagi avtohalokat 19 kishining umrini olib ketdi

Nigeriyada avtobusning avtohalokatga uchrashi oqibatida 19 kishi tiriklayin yonib ketdi. Ma'lum qilinishicha, voqea mamlakat shimolidagi Jigava shtatida yuz bergan. 

“Sinxua” axborot agentligi ma'lumotlariga ko‘ra, avtobus Bauchi shtatidan Jigava shtatidagi to‘yga odamlarni olib ketayotgan bo‘lgan. Avtobusning oldi g‘ildiragi yorilib ketganda haydovchi boshqaruvni yo‘qotgan. Oqibatda avtobus ag‘darilib yonib ketgan. 

Voqea joyida 19 kishi halok bo‘lgan, yana 21 kishi jarohat olgan. Voqea yuzasidan tergov olib borilmoqda.