Ronaldu faoliyatidagi yubiley golini urdi

«Yuventus» hujumchisi Krishtianu Ronaldu Italiya A Seriyasining 34-turida «Inter»ga qarshi o‘yinda hisobni tenglashtiruvchi golni urdi (1:1).

Gracenote Live tvitterida yozilishicha, bu gol 34 yoshli portugaliyalik futbolchi uchun klublardagi faoliyati davomidagi yubiley - 600-gol bo‘ldi. Shundan 5ta golni Ronaldu Lissabonning «Sporting» klubida, 118ta golni «Manchester Yunayted»da, 450ta golni esa «Real» safida urgandi. U «Yuventus»da 27 marta raqib darvozalarini ishg‘ol etishga ulgurdi.

Ronaldu «Yuventus»ga o‘tgan yilning yozida «Real»dan kelgandi. Uning transfer qiymati 100 mln yevro atrofida bo‘lgandi. Turinliklar jamoasi joriy mavsumda muddatidan ilgari Italiya chempioni bo‘lishga erishdi (ayni vaqtda jamoa 88 ochko bilan turnir jadvalida peshqadamlik qilmoqda, lekin jamoa Chempionlar ligasini chorakfinalda «Ayaks»ga yutqazib tark etdi.