AQSh ilk bor Shimoliy Koreya kemasini hibsga oldi

Foto: RIA "Novosti"

AQSh Shimoliy Koreyaning kemasini Pxenyanga qarshi sanksiyalarni buzganlik gumoni bilan hibsga oldi. Bu haqda AQSh adliya vazirligi xabar berdi.

Wise Honest kemasi Shimoliy Koreyadan ko‘mir tashish uchun qo‘llangan. Shimoliy Koreyadan ko‘mir tashilishi BMT va AQSh sanksiyalari ostiga tushgan.

Bu AQSh sanksiyalarni buzgani uchun Shimoliy Koreya kemasini ushlagan birinchi holdir. Ma'lum qilinishicha, AQSh banklari kemaning ta'mirlanishini moliyalashtirishganda sanksiyalarni atayin buzishmagan.

Kemaning musodara qilinishi haqida ariza Manxetten federal sudiga topshirilgan. Kema AQSh hududida hibsga olingan, biroq aynan qayerdaligi ma'lum qilinmagan.