Rossiya 2 oydan keyin Turkiyaga S-400’ni yetkazib berishni boshlaydi
Rossiya Turkiyaga 2 oydan keyin S-400 zenit raketa majmualarini yetkazib berishni boshlaydi. Bu haqda “Rostex” korporatsiyasi rahbari Sergey Chemezov ma'lum qildi.
“Hammasi joyida, o‘ylashimcha, 2 oydan keyin majmualarni yetkazib berishni boshlaymiz. Avans to‘lovlari amalga oshirilgan, kredit rasmiylashtirilgan. Kredit pullari sarflangan, texnika ishlab chiqarilgan. Uning ustiga, biz mutaxassislarni o‘qitishni yakunladik”, deb aytgan Chemezov NTV telekanaliga bergan intervyusida.
Chemezov bu haqda hozirda o‘tayotgan Peterburg xalqaro iqtisodiy forumi vaqtida aytib o‘tgan.
AQSh Turkiyaning S-400’larni sotib olishiga qarshi chiqmoqda va Anqaraga sanksiyalar solish bilan tahdid qilmoqda. Turkiya o‘z navbatida majmualar AQShga xavf solmasligini va Anqara ularni sotib olishdan voz kechmasligini aytib keladi.
Shartnomaga ko‘ra, Rossiya Turkiyaga to‘rtta S-400 divizionini yetkazib beradi. Shartnoma qiymati 2,5 mlrd dollarni tashkil qiladi.
Mavzuga oid
00:32 / 04.12.2022
Turkiyaning birinchi uchuvchisiz qiruvchi samolyoti sinov parvozini muvaffaqiyatli amalga oshirdi
00:54 / 03.12.2022
Turkiyalik sharhlovchi JCh-2022 o‘yini tanaffusida efirdan chetlatildi
11:10 / 28.11.2022
O‘zbekiston va Turkiya yirik logistika infratuzilma loyihalarini birgalikda amalga oshirmoqchi
17:10 / 25.11.2022