Samarqandda tramvay yo‘lidan chiqib ketib, avtobusga urildi
8 iyun kuni soat 17:00 larda Samarqand shahrida harakatlanayotgan tramvay yo‘lidan chiqib ketdi. Shaharning Sartepa-Temiryo‘l vokzali yo‘nalishi bo‘ylab qatnovchi 1-tramvay Sartepa massivida o‘z yo‘lidan chiqib ketgan va o‘zi bilan bir yo‘nalishda ketayotgan 4-avtobusga borib urilgan.
Voqea joyidan olingan suratni Kun.uz o‘quvchisi tahririyatga yubordi. Voqea oqibatida jabrlanganlar bo‘lmagani aytilmoqda. Samarqand shahrida ikkita tramvay liniyasi mavjud bo‘lib, ulardan biri aynan Sartepa-Temiryo‘l vokzali yo‘nalishida qatnovchi 1-yo‘nalishdagi tramvay yo‘lidir.
Asosan ko‘p qavatli uylardan iborat va aholi zich joylashgan Sartepa massivida tramvayning boshqa turdagi ulovlar bilan to‘qnashishi birinchi marta sodir bo‘lmayapti. Bungacha ham 1-tramvay avtobus mashina va hatto boshqa bir tramvay bilan urilib ketgandi.
Mavzuga oid
16:00 / 04.10.2024
Samarqandda O‘zbekiston va Qozog‘iston hududlar rahbarlari kengashi uchrashuvi bo‘lib o‘tadi
07:15 / 02.10.2024
Samarqand arxitektura-qurilish universitetida yong‘in sodir bo‘ldi
07:10 / 02.10.2024
Tel-Aviv - Samarqand - Toshkent aviaqatnovi majburiy kechiktirildi
23:19 / 01.10.2024