«Feysbuk» ijtimoiy tarmog‘idagi «Ya samarkandets» guruhida Samarqand shahrida bugun yuz bergan tramvaylar to‘qnashuvi fotosurati e'lon qilindi.
Fotosuratdan ko‘rinishicha, Temiryo‘l vokzali yaqinida, Beruniy va Ro‘dakiy ko‘chalari kesishmasida tramvaylar yengilgina to‘qnashishgan va ularning old oynalariga zarar yetgan.
Suratdan ko‘rinishicha, negadir Sartepa massivi – Temiryo‘l vokzali yo‘nalishi bo‘yicha to‘g‘riga harakatlanishi kerak bo‘lgan 1-tramvay chapga — Ro‘dakiy ko‘chasi bo‘ylab Temiryo‘l vokzali — Siyob bozori yo‘li uchun yotqizilgan 2-tramvay yo‘nalishiga burilgan va shu yo‘nalishda teskari tomondan harakatlanib kelayotgan tramvayga urilgan.