Pokiston sobiq bosh vaziri korrupsiya ishi bo‘yicha hibsga olindi
Pokiston sobiq bosh vaziri Shahid Abbosiy korrupsiyaga qarshi kurashish milliy byurosi xodimlari tomonidan qo‘lga olindi, deb xabar berdi Doon gazetasi.
Xabarda aytilishicha, Abbosiy bugun korrupsiya ishi bo‘yicha sudda so‘roq qilinishi kerak edi. U sudga kelmagani sababli Pokiston korrupsiyaga qarshi kurash sudi Abbosiyni sudga olib kelish uchun hibsga olish to‘g‘risida order berdi.
"Shahid Abbosiy barcha tergov harakatlari yakunlanishi uchun qancha vaqt lozim bo‘lsa, shuncha vaqt hibsda saqlanishi bo‘yicha qaror qabul qilinishi uchun sudga topshiriladi", - deyiladi orderda.
Pokiston sobiq bosh vaziri 2013 yilda davlat xaridlari to‘g‘risidagi qonunni chetlab o‘tib suyultirilgan gazni import qilish bo‘yicha shartnoma tuzishda gumonlanmoqda. Abbosiy o‘sha vaqtda neft va tabiiy resurslar vaziri bo‘lgan. U shuningdek, 2017 yil avgustdan 2018 yil iyungacha Pokiston bosh vaziri lavozimini egallagan.
Mavzuga oid
21:12 / 22.09.2024
Pokistonda Rossiya elchisi kortejidagi avtomobil mina bilan portlatildi
12:50 / 21.09.2024
Pokiston O‘zbekiston ishtirokidagi xalqaro transport yo‘lagini tashkil etish bo‘yicha memorandumni imzoladi
19:53 / 10.09.2024
Korrupsiyaga qo‘l urgan 566 nafar shaxs davlat ishiga qaytadan kirib, yana korrupsiyaga qo‘l urgan
14:10 / 10.09.2024