Rossiya va Eron Hurmuz bo‘g‘ozi hududida harbiy mashg‘ulot o‘tkazishi mumkin

Foto: Globallookpress

Rossiya va Eron yaqin kelajakda Hurmuz bo‘g‘ozi hududida harbiy-dengiz mashg‘ulotlari o‘tkazishi mumkin. Bu haqda Eron HDK qo‘mondoni Husayn Xonzodiy IRNA agentligiga bergan intervyusida ma'lum qildi.

"Yaqin vaqt ichida Hind okeanida Rossiya-Eron qo‘shma mashg‘ulotlari o‘tkazilishi kutilmoqda. Mashg‘ulotlar Hind okeanining shimoliy qismida, xususan Hurmuz bo‘g‘ozida bo‘lib o‘tishi mumkin", - dedi Xonzodiy.

U shuningdek, Rossiya va Eron Kaspiy dengizida mudofaa sohasidagi hamkorlikni kuchaytirish borasida muzokara olib borayotganini ma'lum qildi.

Kontr-admiral Xonzodiy Rossiya HDK qo‘mondonligining taklifiga binoan uch kunlik tashrif bilan Rossiyaga keldi.