Elektr energiyasi va gaz uchun oldindan to‘lash qoidalari yana o‘zgardi
Elektr energiyasidan va tabiiy gazdan foydalanish qoidalariga navbatdagi o‘zgartirishlar kiritildi. Bu haqda Norma xabar bermoqda.
Eslatib o‘tamiz, 1 martdan elektr energiyasi va tabiiy gaz uchun oldindan to‘lov kiritish qoidalari o‘zgardi: tariflar o‘zgarganda keyinchalik qayta hisoblashlarsiz oldindan to‘lov to‘lanadigan davr ikki baravar – 6 oyga qisqartirildi.
Ko‘rib chiqilayotgan o‘zgartirishlar bir-biriga o‘xshashdir, ruxsat etiladigan davr yana 3 baravar – 2 oyga qisqartiriladi. Shu tariqa, maishiy iste'molchilardan elektr energiyasi uchun oldindan to‘lov tarif o‘zgarganda qayta hisoblashlarsiz ko‘pi bilan 2 oy oldindan qabul qilinadi.
Tabiiy gazdan foydalanish qoidalarida oldindan to‘lov davri cheklanmagan. Biroq tarif o‘zgarganda iste'molchi to‘lov to‘langan kundan boshlab faqat 2 oy davomida oldindan to‘langan hajm uchun qo‘shimcha to‘lovlardan ozod etiladi.
Elektr energiyasi va gaz uchun oldindan haqni 2019 yil 31 iyulgacha to‘lashga ulgurgan shaxslarga nisbatan qo‘shimcha to‘lovsiz 6 oy to‘g‘risidagi avvalgi qoida qo‘llaniladi.
Ma'lumot uchun: boshqa toifadagi iste'molchilarga (nomaishiy) nisbatan qoidalar ham ikki marta: joriy yilning 1 marti va 1 iyunidan o‘zgartirildi.
Hujjat 31.07.2019 yildan kuchga kirdi.
Mavzuga oid
17:44 / 29.09.2024
Farg‘onada gazdan noqonuniy foydalanib davlatga 5.5 mlrd zarar yetkazgan shaxslar ushlandi
18:31 / 27.09.2024
“100 mln dollarlik gazning havoga uchishi to‘xtaydi” - AQSh kompaniyasi O‘zbekistonda gaz tarmoqlarini ta’mirlamoqda
10:00 / 22.09.2024
Andijon va Xorazm viloyatlarida energiya resurslaridan noqonuniy foydalangan korxonalar aniqlandi
13:30 / 20.09.2024