Janubiy Koreya sudi "Samsung merosxo‘ri" ishini qayta ko‘rishga yubordi

Foto: Bloomberg

Janubiy Koreya oliy sudi Samsung Electronics vitse-prezidenti va rahbari Li Chje Yon ishini qayta ko‘rishga yubordi. Bu haqda "Ryonxap" agentligi xabar berdi.

"2018 yil fevralda qabul qilingan qaror Janubiy Koreya oliy sudi yakuniy xulosasiga muvofiq qayta ko‘rib chiqiladi", - deyiladi agentlik xabarida.

2018 yilda Seul yuqori sudi Li Chje Yondan qator jiddiy ayblovlarni olib tashlagan va ozodlikdan mahrum qilish jazosini ikki baravarga – 2,5 yilgacha qisqartirgandi. Shu tarzda Li Chje Yon qamoqda deyarli bir yil o‘tirganidan so‘ng ozodlikka chiqqandi.

"Samsung merosxo‘ri" ishi mamlakatning sobiq prezidenti Pak Kin Xe atrofida yuzaga kelgan korrupsion mojaro bilan bog‘liq.