O‘zbekiston - Shveytsariya siyosiy maslahatlashuvlari bo‘lib o‘tadi

2019 yilning 30 oktabr kuni O‘zbekiston Respublikasi Tashqi ishlar vazirligida O‘zbekiston-Shveytsariya siyosiy maslahatlashuvlarining oltinchi raundi bo‘lib o‘tadi. 

TIV xabariga ko‘ra, unda ishtirok etish uchun Shveytsariya Konfederatsiyasi davlat kotibi o‘rinbosari Kristina Marti Lang boshchiligidagi Tashqi ishlar federal departamenti (vazirligi) delegatsiyasi Toshkent shahriga keladi.

Shveytsariya delegatsiyasining mamlakatga tashrifi doirasida Oliy Majlis Senati, Adliya vazirligi, Inson huquqlari bo‘yicha milliy markazda uchrashuv va muzokaralar o‘tkazish rejalashtirilgan.