Tungi reyd: ko‘chaga chiqindi tashlagan 6 kishi jarimaga tortildi
Namangan viloyati Ekologiya va atrof-muhitni muhofaza qilish boshqarmasi Namangan shahar inspeksiyasi xodimlari tomonidan noqonuniy chiqindixonalarni aniqlash bo‘yicha tezkor tungi reydlar o‘tkazildi.
Davlat ekologiya qo‘mitasi axborot xizmatiga ko‘ra, unda Namangan shahar «A.Navoiy», «A.Xo‘jayev», «S.Adashev», «Mustaqillikning 5 yilligi», «Oltinvodiy», «Uychi» ko‘chalari hududiga I.R., Z.J., I.U., I.J., X.M. va A.M. tomonidan maishiy chiqindilar to‘la xaltalar, qoplar belgilanmagan joyga tashlangani aniqlandi. Bunda fuqarolar inspektorlar tomonidan to‘xtatib qolingan.
Ushbu holat yuzasidan 6 nafar huquqbuzar fuqaroga nisbatan MJtKning 91-modda 1-qismi bilan ma'muriy bayonnomalar tuzilib, jarimalar qo‘llanildi.
“Hurmatli yurtdoshlar! Yodingizda bo‘lsin: tozalanadigan emas, ifloslantirilmaydigan joy pokiza bo‘ladi”, - deyiladi Ekologiya qo‘mitasi xabarida.
Mavzuga oid
15:54 / 19.09.2024
Tinch okeanidagi ulkan chiqindi dog‘i: uni tozalashga 7,5 mlrd dollar ketadi
20:05 / 12.09.2024
Hududlarda tadbirkorlar quyosh panellarini o‘rnatishga majburlanmoqda. Vazirlik tomoshabinmi?
10:18 / 12.09.2024
Chiqindilarni olib ketish bo‘yicha ommaviy oferta joriy etildi
20:38 / 05.09.2024