Tramp: Shimoliy Koreya AQShga qarshi borsa, bor-budini yo‘qotadi

Shimoliy Koreya yetakchisi Kim Chen In AQShga nisbatan dushmanlik qilmaydi, chunki bunday qilsa, bor-budini yo‘qotishini tushunadi. Bunday fikrni AQSh prezidenti Donald Tramp tvitterdagi sahifasida bildirdi.

"Kim Chen In juda aqlli va dushmanona harakatlar amalga oshirsa, ko‘p narsa, umuman bor-budini yo‘qotishi mumkin", deb aytgan Tramp. "Shimoliy Koreyada Kim Chen In rahbarligida aqlbovar qilmas iqtisodiy salohiyat bor, ammo u va'da qilinganidek, yadroviysizlashni amalga oshirishi kerak", deb qo‘shimcha qilgan AQSh prezidenti.

7 dekabrda Tramp Pxenyan Vashingtonga qarshi hech qanday dushmanona harakatlar qilmasligi va AQShdagi saylov jarayoniga aralashmasligiga ishonchi komilligini aytgandi. Shuningdek, AQSh yetakchisi Kim Chen In bilan yaxshi munosabatda ekanligini ta'kidlab o‘tgan.