Surxondaryoda YTH oqibatida ikki ayol halok bo‘ldi
26 yanvar kuni soat taxminan 16:30da M41 «Bishkek–Dushanbe–Termiz» yo‘lining Termiz tumani «Qoraxon» mahallasi hududidan o‘tgan 1610-kilometrida «Nexia-3» va «Nexia-2» avtomobillari ishtirokida yo‘l-transport hodisasi ro‘y bergan.
Surxondaryo viloyati IIB Yo‘l harakati xavfsizligi boshqarmasi matbuot xizmati xabariga ko‘ra, avariya «Nexia-3» avtomobili chapga burilmoqchi bo‘lgan vaqtda, uning ortidan kelayotgan «Nexia-2» avtomobili uni chap tomondan quvib o‘tishga uringani oqibatida yuz bergan.
To‘qnashuvdan so‘ng «Nexia-2» haydovchisi boshqaruvni yo‘qotgan va mashina ag‘darilib kelgan. Hodisa oqibatida «Nexia-2» salonida bo‘lgan ikki nafar ayol (ulardan biri uy bekasi, ikkinchisi esa 38-maktabning direktor o‘rinbosari edi) voqea joyida halok bo‘lgan, to‘rt yoshli A.R. esa tan jarohati olib, zudlik bilan kasalxonaga yotqizilgan.
«Nexia-2» haydovchisi S.M.ga nisbatan Jinoyat kodeksining 266-moddasi 3-qismi «a» bandi bilan jinoyat ishi qo‘zg‘atilgan, dastlabki tergov harakatlari olib borilmoqda.
Mavzuga oid
13:57 / 18.09.2024
Surxondaryoda sodir bo‘lgan YTHda uch nafar sinfdosh yigit halok bo‘ldi
07:29 / 06.09.2024
Surxondaryoda 9400 tup daraxt nobud bo‘lishi mumkin
12:31 / 31.08.2024
Surxondaryoda «Zarchob-1A» kichik GESi ishga tushdi
11:37 / 30.08.2024