Chirchiq daryosida qolib ketgan 3 nafar fuqaro qutqarildi 

Bu haqda Favqulodda vaziyatlar vazirligi xabar bermoqda.

Toshkent viloyati favqulodda vaziyatlar boshqarmasi navbatchilik qismiga Chinoz tumani, Yangi Chinoz shaharchasi hududida joylashgan Chirchiq daryosida motor qayiqda ov qilish maqsadida qirg‘oqdan 400 metr uzoqlikda qolib ketgan fuqarolar yordam so‘rab murojaat qilgan.

Aniqlanishicha, ushbu fuqarolar Chirchiq daryosida harakatlanib ketayotganda motor qayiq daryo qumini chiqarib olish texnologiyasini ushlab turuvchi temir trosga o‘ralib qolib, taxminan 2 soat davomida qayiq ichida qolib ketishgan. 

Chinoz tumani favqulodda vaziyatlar bo‘limi qutqaruvchilari zudlik bilan voqea joyiga yetib borgan. Olib borilgan tezkor choralar natijasida 3 nafar fuqaro qutqarib olingan.