Samarasiz faoliyat yuritayotgan idoralararo kollegial organlar qisqartiriladi

Samarasiz faoliyat yuritayotgan idoralararo kollegial organlar ishini qayta ko‘rib chiqish mo‘ljallangan

O‘zbekistonda samarasiz faoliyat yuritayotgan idoralararo kollegial organlar qisqartiriladi. Bu haqda 2017-2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasini “Ilm-ma'rifat va raqamli iqtisodiyotni rivojlantirish yili”da amalga oshirishga oid davlat dasturi loyihasida aytilgan.

Qayd etilishicha, 2020 yil 1 sentyabrga qadar tegishli normativ-huquqiy hujjatlar loyihalari ishlab chiqiladi. Loyihalarda:

komissiyalar va ishchi guruhlar samaradorligini tahlil qilish hamda natijasi bo‘yicha ularni kelgusida qisqartirish va optimallashtirish yuzasidan takliflar tayyorlash;

samarasiz faoliyat yuritayotgan idoralararo kollegial organlarni qisqartirish masalalari nazarda tutiladi.

Ijro uchun mas'ullar - Adliya vazirligi, vazirlik va idoralar.