Самарасиз фаолият юритаётган идоралараро коллегиал органлар қисқартирилади

Самарасиз фаолият юритаётган идоралараро коллегиал органлар ишини қайта кўриб чиқиш мўлжалланган

Ўзбекистонда самарасиз фаолият юритаётган идоралараро коллегиал органлар қисқартирилади. Бу ҳақда 2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини “Илм-маърифат ва рақамли иқтисодиётни ривожлантириш йили”да амалга оширишга оид давлат дастури лойиҳасида айтилган.

Қайд этилишича, 2020 йил 1 сентябрга қадар тегишли норматив-ҳуқуқий ҳужжатлар лойиҳалари ишлаб чиқилади. Лойиҳаларда:

комиссиялар ва ишчи гуруҳлар самарадорлигини таҳлил қилиш ҳамда натижаси бўйича уларни келгусида қисқартириш ва оптималлаштириш юзасидан таклифлар тайёрлаш;

самарасиз фаолият юритаётган идоралараро коллегиал органларни қисқартириш масалалари назарда тутилади.

Ижро учун масъуллар - Адлия вазирлиги, вазирлик ва идоралар.